Ellixe idioma:

Antecedentes hestóricos

  • L'autual País Llïonés tuvu yá habitáu dende'l Paleulíticu.
    Esisten evidencias, yá nel Paleulíticu Inferior, nas provincias de Llión y Salamanca. La mayoría los yacimientos na provincia de Llión s'alcuentran al aire llibre, nas terrazas los ríos, cerca la ciudá de Llión. Na provincia de Salamanca, las industrias líticas del Tormes, nos alrodios la ciudá de Salamanca, ocupan un llugar ente las primeiras referencias rexistradas a estaya peninsular.
    La mayoría de las piezas líticas atopadas tan feichas sobru cuarcita procedente de los cantos los ríos y unas poucas sobru cuarzu y arenisca. Ente los istrumentos más frecuentes tan los bifaces, carauterizándose pula sua sencillez.
     
    Nel Paleulíticu Superior hai costancia de rastros humanos nel norte la provincia de Llión, concretamente en Llaciana y Valdeón; y tamién y, especialmente, na provincia de Salamanca, en Siega Verde, que ye consideráu ún de los cimeiros esponentes del arte paleulíticu. Trátase d'un yacimientu al aire llibre onde s'atopan figuras d'animales propios d'ésti períodu. S'alcuentra a lu llargu del ríu Ágeda, 15 km. ríu abaixu dende Ciarrodrigu. Páxina gueb de Siega Verde.

    Dientru'l Neulíticu s'alcuentra'l periodu chamáu "Asturiense", pula apaición de picos tallaos de cuarcita carauterísticos d'esta época, a dambos llaos del cordal cantábricu; onde dimpués s'establecienun los astures.

    De la época megalítica (2.500-1.750 e.C.) chegaran ata guei abondas d'estas costruciones, sobrutóu na provincia de Zamora, concretamente na llocalidá d'Almeida, que cunta cun un auténticu círculu máxicu.