Ellixe idioma pa navegare:

EL FILANDÓN

  • 'Filandón' ye una vieya pallabra dialleutal llionesa d'etimoloxía llatina, derivada de 'filum', -hilu-, que noma los aconceyamientos noturnos nos que las muyeres filaban, mientras los asistentes cuntabanse cuentos, chistes ya hestorias desemeyadas, y se cantaban cantares tradicionales al son los istrumentos del llugar correspondiente.
    El filandón ye un aconceyamientu que se desenrrolla pulas nueches una vuelta finada la cena, na que se cuntan en voz alta cuentos al tiempu que se trabaya en dalguna llabor manual, xeneralmente testil. Esti aconceyamientu solía facese alrudiu'l fogar, cunos participantes sentaos en escaños ou bancadas.
    El filandón sigi prauticánduse na provincia de Llión (en dalgunas fasteiras d'esta provincia al filandón tamién conozse cumu calechu), n'Asturias, y en dalgunas fasteiras montañosas del estremu oriental de Galicia.
    Recientemente esta tradición recuperarase, cimeiramente na provincia de Llión, gracias a escritores, narradores orales, cuntacuentos y músicos que lu chevaran a desemeyaos escenarios y lu enriquecieran cun nuevas hestorias y cantares.

    El Seranu
    En deillas comarcas las provincias de Salamanca y Zamora s'usa esti términu pa referise a la tertulia noturna de vecinos que fazse a l'aire llibre, tomandu el frescu durante'l branu. Podría tratase de la versión braniega de los hibernales filandones. El salmantinu Luis Maldonado faz referencia a eillu nos sous llibros etnográficos.