Ellixe idioma:

Gaita charra

  • La gaita charra ou salmantina ye rïalmente una flauta de tres furacos, dous na sua parte superior y ún na inferior, y que se touca cun una sola manu: la esquierda, a la vuelta que las suas melodías s'acompangan cul ritmu del tamboril, que se touca cuna manu dreicha. Pur eillu ye que a los músicos que la toucan tamién chamaseyes tamboriteros. Ye asemeyada'l pitu rocieru andalú, al txistu bascu ou al pitu maragatu llïonés. Toucase'n cuasi tola provincia de Salamanca, especialmente na zona de Ciarrodrigu, Peña de Francia, pasandu yá al norte de Cázres. La pallabra charru/a desina l'aldeanu salmantinu, n'especial al de la rexón que comprende Alba, Vitigudinu, Ciarrodrigu, Campu charru y Lledesma y faz referencia a la fasteira onde toucase esti istrumentu. El tamboriteru ye en tol País Llïonés y áreas d'espansión medieval cumu Estremadura y Tras os Montes el músicu tradicional más estendíu pur mueitas las suas fasteiras, participandu nun sólu nel baile sinón tamién nas procesiones relixiosas, misas, bodas, etc. Frente a las gaitas charras más ellaboradas, cun bouquiella y aros d'asta, las xiflas de la provincia de Llión son de madeira dafeichu. Tovía toucanse n'El Bierzu, la ribeira del Órbigu y sobrutóu na Maragatería onde nun hai fiesta ensin tamboriteru.