Ellixe idioma pa navegare:

LLINGUA LLIONESA

  • El llionés ye la llingua propia del País Llionés. Ye una llingua que tién el sou orixe nel llatín trayíu pulos romanos y dalgunas pallabras caltenidas de la llingua los astures. El llionés tuvu un granible puxu na Edá Media nel Reinu de Llión y anguañu se caltien nel nuesu país y ye faláu en deillas fasteiras nas provincias de Llión, Zamora y Salamanca y nel Distritu de Brigancia (Pertual), onde ye conocíu cumu "mirandés". N'Asturias fálase tamién esta llingua anque eillí recibe'l nome de “asturianu”, gozandu de cierta reconocencia de mínimos nel sou Estatutu d'Autonomía peru ensin rangu d’oficialidá. El llionés, na práutica, carez de reconocencia oficial cuna eseición de Miranda del Douru (Estáu pertués) onde tién un rangu de cooficialidá al empar que'l pertués; sólu na cabeira reforma del estatutu d'autonomía facese referencia a la nuesa llingua peru la llexislación alrodiu d'eilla s'alcuentra ensin desendolcare. Tampoucu esiste la posibilidá del sou deprendizax nas escuelas ou cualisquier outra istitución académica pública, al pesiare los informes de la Unesco, Unión Europea y milentos chamamientos d'espertos llinguístas de mediu mundiu del sou inminente riesgu d'esapaición pulas presiones d'outras llinguas cumu'l gallegu-pertués y l'hespañol, qu'invaden el domiñu llinguísticu llionés.
    A tóu estu hai qu'añedire un ensiñu en tolas estayas académicas y educativas nas que ta desprestixada dafeichu cumu llingua, calificandu d'analfabetos a las presonas falantes ou que tan siquiera espresen dalguna pallabra en llionés. Sicasí, nas cabeiras décadas xurdieran deillas asociaciones pula defensa la llingua llionesa nas provincias de Llión, Zamora y Salamanca que desendolcaran abondos cursos pal sou deprendizax. .

    Oficialidá pa la Llingua Llionesa ¡¡¡YÁ!!!