Ellixe idioma:

Magostu ou calvotada

  • El magostu ou calvotada ye una fiesta tradicional que coincide cuna época de recouyida la castaña soliendu cellebrase nel mes de noviembre (ente'l día de Tolos Santos y el de San Martín). La fiesta consiste en desendolcare una fogera na llocalidá en cuestión y una vuelta queden las brasas, asare las castañas sobru las mesmas pa que la xente'l pueblu las xante a comuña. Ye típicu entisnase la cara cunos restos la fogera, saltare las fogeras yá que traye suerte, asina cumu rïalizare desemeyaos xuegos tradicionales, cuntare cuentos y cantare cantares populares. Ye una fiesta mui popular en fasteiras cumu Sanabria, El Bierzu, Babia, Llaciana, Sierra de Francia, Sierra de Béyar, Maragatería, Los Valles, Montaña de Riañu ou La Cabreira, destacandu ente tolos magostos del País Llïonés el de Santa Marina del Sil, declaráu d'Interés Turísticu Rexonal.
    Páxina web del magostu de Santa Marina del Sil

    L'orixe del magostu

    En noviembre y 1, los celtas apaciguaban los poderes del outru mundiu y propiciaban l'abondancia las cosechas cuna cellebración la fiesta "Samahaim", la cuala yera, pa unos, l'entamu l'hibiernu y, pa outros, el final del branu; en tóu casu yera l'entamu d'una nueva xestación y d'un periodu d'intensa comunicación ente los habitantes d'ésti y del outru mundiu. Aconceyabase una gran multitú purque yera una fiesta obligatoria. Quien nun asistía corría el peligru de perdere la razón. La fiesta yera pa los celtas una concentración de lu sagráu nún tiempu y nún llugar determinaos. Los mitos afirman que yera'l intre nel cual se produxeran grandes acontecimientos cósmicos, y cuandu tenía llugar la muerte tantu ritual cumu simbólica del rei y del sou reemplazamientu. Las ceremonias festivas autualizaban, cellebraban y comentaban l'orixe míticu y la continuidá del mundiu (J. de Vries, "La religion des Celtes").
    Pulas mesmas datas, los romanos cellebraban las saturnales. "Cuandu la tierra ye fecundada pulas simientes que sobru eilla arramanse" (Ovidiu, Les fastes, llib. I, vv. 657-664 ).