Ellixe idioma:

Pendones del País Llïonés

  • Dende las gerras medievales nas que las "mesnadas", tropas que lluchaban al lláu del Rei y los nobles, sirvían d'un xeitu temporal a ún los bandos, nun hubiera un xeitu nidiu de desemeyare las fuerzas que taban na batalla d'ún y d'outru bandu.
    Cumu nun esistía un determináu uniforme ou indumentaria reglada pa caún los bandos, asína cumu las costantes allianzas y desavenencias ente los desemeyaos nobles, daban llugar a mueitas confusiones nel campu de batalla. Pur eillu, entaman a ganare gran importancia las bandeiras y estandartes cuyos escudos y colores identifican d'ún xeitu inconfundible a caún los bandos que lluchan nel campu de batalla. Estos estandartes son los "pais" los autuales pendones.
    Dáu que las primeiras referencias atopadas a estos estandartes s'atoparan en documentos medievales, los hestoriadores afirman qu'estos símbolos militares identificativos de ca grupu nuna batalla son los ascendientes direutos los autuales pendones. Pur emperu creyese que los pendones llïoneses nun son tan vieyos cumu dalgunos estudiosos indican. Los contratos de los bordadores d'Astorga y Llión pa facere pendones encargaos pulos conceyos ou los mayordomos de las Igrexas, son del sieglu XVI los más vieyos, mueitu mas abondos nos sieglos XVII y XVIII. Ensin dubia los pendones llïoneses tienen el sou orixe nos que portaban los soldaos de ca pueblu nas abondas lluchas medievales, peru hai un pasu intermediu qu'hai que demostrare y ye' l sou usu enantes del sieglu XVI.
    Cuna final la mayor parte las gerras y cruzadas, y l'apaición los uniformes, estos estandartes van perdiendu la sua condición militar y entaman a tomare un siñificáu más popular y civil. En dalgunos casos, entaman a llucire una cruz nel sou estremu superior, y entaman a sere un ellementu más en procesiones, fiestas y cellebraciones relixosas. Ca pueblu ou fasteira solía cuntare cul sou propiu pendón y los sous propios colores, peru munchos van perdienduse a lu llargu la hestoria y outros munchos cayen nel olvidu, calteniéndose nunas pésimas condiciones.
    El xeitu de mueitos los pendones, ye reutangular ou xeitu asemeyáu, de dous puntas cun un corte central, siendu, na mayor parte los casos, mayor la punta superior que la inferior. La tela suel sere de seda, llana ou algodón, tupida, fuerte y formandu dibuxos cul propiu texíu. Las varas (palu onde s'alluga l'estandarte) pueden midire dende 5 metros ata cerca los 15 metros. Teniendu en cunta estas llonxitúes podemos evaluare la dificultá que tién portare ún d'estos pendones.
    Nu que cinca a los colores que se llucen, pueden veise colores dende'l roxu ou burdeos, color que simboliza'l Reinu de Llión (ye'l color que figura nel Pendón Rial de Llión y nel sou escudu heráldicu), el color verde, qu'en munchas ocasiones apaez amestáu cul roxu (dicin que ca banda roxa siñificaba una batalla ganada), el moráu ye'l color que representa la lliturxia y autos rellacionaos cunas cellebraciones relixosas, el color azul que rellacionase cun desemeyadas fiestas n'honor la Inmaculada Conceción y ata los abondos colores cumu'l blancu, amariellu y colores tierra que simbolizaban desemeyaos aspeutos dende la paz ata premios militares.
    En Zamora durante la primaveira deserrollanse deillas romerías que tienen una gran tradición. Una d'eillas ye la de los Viriatos de Fariza (primer domingu de xunu), na que cientos de sayagueses s'aconceyan y caminan dende Fariza ata l'armita de Nuesa Siñora el Castiellu. Lu chamativu de la romería son los ‘viriatos’, pendones blancos de gran tamañu que trasladan y que representan a cauna las parroquias la fasteira.
    Anguañu, hai ñiciativas abondas pa la recuperancia d'esta tradición y recuperare y restaurare mueitos los pendones llïoneses; el sou usu, meramente civil quedara reserváu a manifestaciones folclóricas, procesiones y romerías. Son un ellementu visual mui atrautivu y los sous portadores son braeiros mayestros na xeira de caltenelu n'equilibriu. Dende 2.004 esiste la "Asociación de Pendones del Reinu de Llión", que tién cumu oxetivos cimeiros la rïalización d'autividaes sociales, culturales y recreativas que desenrrollanse avenceyadas a la recuperación, caltenimientu, manifestación y difusión de los pendones llïoneses, cumu siñificaos ellementos qu'integran el nuesu patrimoñu y representan la nuesa identidá.