Ellixe idioma:

Ramu llïonés de Nadal

  • El ramu llïonés de nadal ye un ornamentu relixosu recuperáu recientemente nas fiestas nadaliegas, siendu la sua presencia más costatable nas lliendes la provincia de Llión, anque poucu a poucu el sou usu va estendiéndose pur tolos requeixos del nuesu país.
    El ramu consiste nún armazón de madeira de xeitu triangular, semicircular (típicu la comarca de Oumaña) ou cuadrada, nel que alluganse 12 velas simbolizandu los meses del añu. Del mesmu escolingan desemeyadas ofrendas, talas cumu llazos, filos de llana, puntiellas, bordaos, rosquillas y frutas. Esta cadarma sofitase nuna vara de madeira allugada verticalmente sobru una peana queye sirve de sofitu. Na pia el ramu suel asitiase de nuevu una cesta cun ofrendas, comúnmente castañas y conxos.
    Los orixes del ramu paecen remontase a épocas precristianas, nas que'l ramu (atalantáu cumu una rama d'árbol en sí) tenía un calter votivu cumu cultu a la fertilidá y cumu entamu la primaveira. Ye, poru, un símbolu paganu asimiláu pula Igrexa al paecere al traviés de las pastoradas (piqueños autos de Nadal que cellebrabanse nos atrios las igrexas de las provincias de Llión, Zamora y Asturias).